究竟對於肥叉嘅執着有幾深?有人昨晚(14日)因為買完肥叉燒,返到屋企發現貨不對辦,所以拎刀返店舖搵廚師算賬,結果俾廚師拎個湯殼還撃,結果釀成血案。現場血濺一地,地上亦遺下染血紙巾,兩人分別被捕及送往北區醫院治理。
事發粉嶺雍盛商場晚上7點幾,有兩名男子在商場內爭執打鬥,當中一人持刀,另一人手執湯殼,結果兩敗俱傷,持刀漢更遭對方打致頭破血流,一度受傷倒地,不過仍清醒,之後自行報警求助。警員檢獲一把廚師刀及一個湯殼,正調查案件原因。事件中兩名傷者分別被捕,送往北區醫院治理,案件列作在公眾地方打架處理。