時任沙頭角分區指揮官陸振中，2022年與下屬在粉嶺熟食中心晚餐。陸振中被指3度帶一名女下屬到殘廁，並鎖起門摸其胸部、腰部再強吻她，又強逼她坐在廁板幫其口交。案發後1個月又涉嫌危險駕駛，並襲擊一名女子和兩名男子。案件今日（15日）在區域法院續審，女事主供稱被告在分區猶如「山寨王」，而她只是一粒微塵，已盡力保護自己；事主又坦言「我都係一個女仔嚟㗎咋…雖然我係一個警察」，反問辯方律師「我可以點」。她又稱與前男友一起4年守身如玉，不接受亦不情願被告的侵犯行為。
【新聞有價 記者有格 立即訂閱：https://bit.ly/3wGQh7c】
43歲被告陸振中，報稱警察，被控於2022年6月22日和23日在粉嶺聯和墟街市熟食中心傷殘人士洗手間內，分別3度非禮X。辯方大律師鄭明斌繼續盤問事主X，以慢鏡形式播放兩次報稱非禮事件發生後，即6月23日凌晨粉嶺聯和墟街市及熟食中心的畫面。X指畫面可見，被告拍醒她後，她曾揮手示意拒絕，並望向督察蔡文浩，被告仍帶X往殘廁。
播放片段期間，辯方不斷追問細節，事主情緒激動、喘氣和大聲哭說「我當時係幾咁唔想去洗手間，但最尾好失望，講咗唔想去洗手間，都要帶我去洗手間…被告又咁大隻，我又飲咗酒，已經身體其實好唔舒服…如果我有能力，已經搵咗我男朋友接我喇…由（夜晚） 6 點坐到 12 點都走唔到…你係咁（問）…」事主表示身體不適，法官押後一會，讓事主休息。
隨後辯方問事主有否口頭表達？事主稱有但沒數次數，並抽泣稱被告是警司，「佢嘅權力你知唔知係幾咁大」，指被告駐守沙頭角，「佢可以話係『山寨王』…我只係好微細好微細嘅一粒塵」，反問辯方「你知唔知我係幾咁擔心，幾咁恐懼？」
X續指，已連續三日在腦海不斷回憶事件，「我真係好辛苦，我又可以同邊個傾？我只係可以同我自己呀！」辯方又質疑X強逼口交時可以「咬實棚牙」，加上X曾撥開被告伸入其衣服內的手，卻無力撥開其陽具？事主稱遭被告另一手用力按着頭部，「重複又重複做一啲膽大包天嘅行為」，擔憂若反抗會被「打死」。
案件編號：DCCC 137/2023
