早幾日「譚仔雲南米線」同「譚仔三哥」預告首次合作，令唔少人好奇到底搞邊科。答案終於喺今日揭盅，譚仔國際將會推出首個慈善NFT項目「Souper Hero」，並於6.19正式公開發售，收益將會捐贈香港藝術中心，以支持及推動本土藝術發展。而佢哋亦都計劃會進駐香港藝術中心嘅元宇宙展覽區，到時可以成為「Souper Hero」擁有者嘅聚會同交流平台～
【新聞有價 記者有格 立即訂閱：https://bit.ly/3wGQh7c】
「Souper Hero」由四個系列組成，並誠邀本地漫畫家黃照達、甘小文、Big Y和周小某操刀設計，包括：譚仔面料系列、譚仔姐姐系列、三哥面料系列以及三哥人物系列，合計共有10,020個NFT，每個售港幣500元。而譚仔NFT嘅擁有者唔只淨係揸住啲虛擬資產，仲可以獨享譚仔或三哥VIP會藉，有得免費食米線同參加品牌活動添～唔知大家又對二次元嘅譚仔姐姐有無興趣呢？
