大家一齊講：多謝誠哥！今日（19日） 李嘉誠基金會 Li Ka Shing Foundation 喺Facebook宣佈，為咗「感謝醫護人員疫境中奮身作戰」，同埋「支持香港全力抗疫及協助紓緩公營醫療系統的壓力」，會支援私家醫院接收公立醫院非染疫病人。
第一階段就捐3千萬港元，目前參與嘅私家醫院就包括養和醫院、港怡醫院和中文大學醫院。李嘉誠基金會就話希望喺「香港奮力抗疫之時，盡一分力，與香港人同心前行」。
嚟緊呢個星期氣溫急降，有邊個會想見到香港人要喺8、9ºC喺戶外等醫治？雖然話可以安排去社區中心，但係都係唔夠醫院設備齊全，誠哥好嘢！
