旺角良心茶飲店皇茶於上月底突然宣佈結業，不少網民都感到惋惜，但原來鋪位現時已由另一間小店茶芝味接手，鐵閘的油畫亦得以保留。店鋪於昨日第一日試業，各位以後行旺角想飲奶蓋又多一個選擇。
茶芝味原店位於葵涌廣場，在疫市下接手多一間鋪位，店主於IG上直言自己做法衝動，但依然想咬緊牙關撐到最後，「喺葵廣呢兩年幾，睇住好多友店離場，除咗覺得好可惜之外，亦覺得自己所背負嘅責任更大，只要仲做得住，都想繼續做落去」、「我想講呢三年幾，我都冇撚理性過，如果我係理性嘅話，畢咗業做兩年野，就技術移民走撚左啦」。不過，他同時亦慨嘆現時兩店的營業額遠不及爆疫前，但租金就比當時大增四倍。
雖然營業額未如理想，但店主仍然對其他良心店「幫到盡幫」，鄰近旺角新鋪位的天園餃子及後生仔海南雞1998於昨日起被罰停晚市14日，茶之味隨即送了40杯奶蓋茶及40杯水果茶到店鋪，以贈予購買外賣的客人，希望大家能一起度過難關。
