現年84歲嘅前特首、全國政協副主席董建華的健康狀況向來備受關注，嚟緊特首選舉將於周日（8日）舉行，佢作為特首選委之一，傳媒亦關注佢會唔會投票。不過，董建華嘅辦公室透過公關回應傳媒查詢表示，董建華目前正在休假，不作回應。
董建華早前已未有提名李家超，競選辦主任譚耀宗當時向傳媒解釋，知道董建華身體不適，唔想再打擾佢。
董建華對上一次公開露面已經係去年7月，出席由經民聯主席林建岳有份投資的建黨100周年電影《1921》首映，但離開時需由他人攙扶站起。 去年10月，有報道指董建華喺瑪麗醫院接受心臟手術，事後董建華發言人亦回應話手術順利正康復休養，但未有透露係咪做心臟手術，而董建華之後無再露面，繼缺席10.1慶祝活動、年底的立法會選舉，今年3月嘅全國兩會亦無出席。
