香港足球代表隊提早晉身亞洲盃決賽周後，昨晚以0：4不敵有主場之利的印度。港隊今次出征印度可謂「頭頭碰着黑」，賽前本地聯賽停擺，到埗後多名職球員確診，部份球員又水土不服。門將葉鴻輝賽後發文，特別感謝隨隊職員和物理治療師，並表明「除咗踢波，我諗我有生之年都唔會再嚟（印度）。」
【新聞有價 記者有格 立即訂閱：https://bit.ly/3wGQh7c】
葉鴻輝賽後在facebook發文，表示「亞洲盃外圍賽終於踢完，自己好幸運可以參與其中，有份享受依一個喜悅」。他表示，由對馬來西亞到尾場對印度，球隊仍有很多改善空間，但「只要有共同嘅信念，好多事情都可以達到」。
對阿富汗一仗未有上陣的他在文末表示，「最後，終於可以離開依個地方。不捨球場上嘅畫面，但係對球場以外嘅嘢無任何掛念。除咗踢波，我諗我有生之年都唔會再嚟（印度）」。
中場顏樂楓則在Instagram表示，這趟旅程所經歷的一切，絕對非筆墨所能形容：「總之就你頭暈我身㷫，頂住啊兄弟！最重要，我哋得咗啦！亞洲盃決賽週！」他感謝幕後團隊與球員一同戰鬥到底。他又說，第一次回望旅程都有血有淚，曾經以為再無方法為香港出一分力，希望將來仍有機會為港效力。
