一年一度嘅「戒煙大贏家」無煙社區計劃—戒煙服務大募集9月21日喺馬鞍山新港城中心舉行。多間戒煙服務機構，包括基督教家庭服務中心、醫院管理局、博愛醫院、香港大學護理學院、九龍樂善堂、東華三院戒煙綜合服務中心、基督教聯合那打素社康服務及香港理工大學青少年戒煙熱線，加上沙田地區康健站，一齊為市民提供一站式戒煙諮詢及健康資訊。提提大家，要把握時間參加！ 10月31就截止啦！
【新聞有價 記者有格 立即訂閱：https://bit.ly/3wGQh7c】
吸煙人士透過活動可以更了解現時香港不同戒煙輔導服務，揀最啱自己嘅輔導服務之餘，仲可以即場報名參加第15屆「戒煙大贏家」比賽，朝住無煙生活進發，贏取健康體魄獎勵豐富獎品。透過現場無煙展覽同攤位遊戲，市民可以了解更多有關吸煙禍害、戒煙好處及方法，以及香港控煙政策嘅資訊。當日大家都好踴躍挑戰互動遊戲，「㩒」低吸煙率至7.8%及5%，早日實現控煙目標，仲成功帶咪點我Wise Mike返屋企。
第15屆「戒煙大贏家」嘅招募活動十月底就截止報名啦，快啲share俾身邊有食煙嘅親友，鼓勵佢哋戒煙啦！組隊一齊成功戒煙仲有額外獎勵添！招募活動嚟緊繼續喺唔同地區舉行，有意戒煙嘅朋友可以親臨現場報名；或者上網報名，稍後會有專人再安排測試日期。詳情即刻click入網址 www.quittowin.hk 啦！
