「頂L住個人先，頂L住個人先……」片主呢個司機真係唔話得！
話說前日（7日）朝早約9時，有一架的士同一架電單車喺西九龍公路近南昌站V Walk相撞，的士向右切線時撞向電單車，鐵騎士被撞飛倒地。
緊隨其後的片主司機「嘩！慘喇慘喇」之後，轉數極快就話幫個鐵騎司機「頂L住個人先，頂L住個人先……」，以防被後面的車再撞。
片段上載至Facebook群組「交通意外求片區」後，司機獲得不少網民大讚，「第一時間反應係保護人命👍好人一生平安！」，亦有人讚司機爆粗不亡救人：「四字真言後依舊冷靜保護26司機，👍👍」，甚至有人話司機「應該攞金英勇勳章🎖️」！ 喺度提提各位四轆司機cut線一定要留意隔離線，兩轆嘅都要小心！
