發展局局長甯漢豪昨日（22日）出席立法會發展事務委員會會議，表示未來十年熟地供應約3,000公頃，當中一成來自交椅洲人工島，預計2027年開始填海工程。甯漢豪被議員問及工程成本時，表示經濟環境持續變化，相信政府財政狀況亦會改變，且項目仍處於環評階段，故現時「唔需要咁快為成個項目，為成個項目訂下最終嘅成本係幾多」。
【新聞有價 記者有格 立即訂閱：https://bit.ly/3wGQh7c】
甯漢豪表示交椅洲項目今年內會啟動環評，期望2027年開始工程。新民黨李梓敬在答問環節首先發言，他表示目前香港面臨龐大財赤，「但係呢個交椅洲人工島又要用咁多錢」，質疑港府長遠能否負擔開支，以至是否有足夠人手同時應付北部都會區及人工島工程。
稱政府財政會隨經濟環境改變
甯漢豪回應稱，現階段交椅洲人工島項目仍處於環評階段，稍後進行工程設計，「未係去到好詳細去諗融資嘅階段」，而目前計劃2027年才開始填海，「到真係有土地去起呢，又再若干年之後」，而經濟環境及政府財政每年也在變化，故目前無需定下最終成本是多少。
甯漢豪強調「最緊要我哋要問自己，我哋長遠呢30年嘅年期，需唔需要呢啲土地呢？如果需要嘅，我哋做好佢嘅規劃。」她表示交椅洲人工島進度已較此前放慢，規模亦有所縮小，「將佢拉長啲去做」，相信有助控制成本。政府去年曾表示，人工島工程造價估算為5,800億元。
甯漢豪其後再補充交椅洲填海，強調該項目所有土地屬全新造出，「係由政府主導」，無需經過收地等程序，「唔係靠市場或者私人業權人，呢個係好事」。她又稱交椅洲地理上位於香港中央點，策略位置重要。
擬灣仔建展館介紹項目稱得體
另外，甯漢豪透露政府會在灣仔北斥資6億至7億元設立展館，介紹交椅洲填海和北部都會區，民建聯梁熙提問展館是否可設在其他地點，以善用灣仔北土地；香港新方向張欣宇質疑為何撥款與新田科技城綑綁處理；經民聯盧偉國亦形容太粗疏。
甯漢豪表示北部都會區和交椅洲屬大型項目，「需要有得體啲嘅展館」，故希望設獨立展館而非租用商廈或使用中環大會堂旁的展城館。她表示灣仔地段周邊已發展好，「附近亦有會展」，形容可獲協同效應，「想認識香港嘅朋友，去完會展睇完展覽、去完金紫荊廣場，佢就嚟到我哋呢個展館」，但同意撥款改為獨立審批。
