捲入酒後駕駛案的47歲撐警KOL朱庭萱（玻璃朱），今日於Facebook發文分享追看劇集《獅子山下的故事》的感想，又藉周二屯元天大停電一事講「舊史」，指以前周不時會停電同制水，事件「對我哋老一輩呢代人講其實真係冇乜大不了」。她又借「獅子山精神」批評90後，形容這代人是「一直都係飯來張口，冇就伸手問父母攞嘅一代」，希望年輕人能透過電視劇，了解上幾代人為香港作出的努力。
【新聞有價 記者有格 立即訂閱：https://bit.ly/3wGQh7c】
玻璃朱於文中提及自己小時候與家人居於公屋的點滴，指自己「課餘會攞啲膠花返屋企穿，穿一大袋都係賺得兩毫子」，而當時一支可樂孖條索價五毫子，「要同朋友仔夾錢買先買得起」。她又提起屯元天大停電一事，指以往停電、制水時，「屋企要點蠟燭、個個攞住水桶落街排隊攞水屋企儲到一桶桶水」，新一代年輕人對這些情況或會覺得陌生，但「對我哋老一輩呢代人講其實真係冇乜大不了」。
她亦批評90後不懂得「真正的獅子山精神」，「一班生於90後嘅年青人，根本唔會經歷到呢啲。一直都係飯來張口，冇就伸手問父母攞嘅一代，又點會珍惜自己一手一腳努力耕耘嘅成功；一點一滴儲返嚟嘅財富」。她續斥，「而家呢一代辛苦啲就話唔返工，大學畢業就覺得自己高人一等一畢業就唔駛捱，所以好多朋友成日都話香港請人其實好辛苦，因為個個都唔肯捱唔肯做」，希望年輕人能透過電視劇，了解上幾代人為香港作出的努力。
朱庭萱今年年初在灣仔駕車時，涉嫌撞傷一名過馬路的菲律賓男子，她早前已承認一項不小心駕駛罪及拒絕提供呼氣樣本罪，案件將於6月28日判刑，控方在審訊期間曾透露她有3次性質相近的案底。
