近期大量長者和長期病患染疫或求醫，逼爆公立醫院急症室。有護士質疑，不少病人等不到上病房，失救致死。現時每日單是染疫死者，已上百人，連帶公眾殮房也爆滿，染疫屍體更滯留急症室。我們率先取得伊利沙伯醫院疑在籃球場設置貨櫃停屍間的照片，據悉其他公院會跟隨。有護士慨嘆，港人連「死咗都冇啲尊嚴」，未免太悲慘。
有伊院護士向我們指，聽聞停屍貨櫃設有冷氣，2.28起放在醫院旁邊的籃球場，至3.1下午已增至2個。「其他醫院有地方放嘅，都開始跟，例如PY（東區醫院），應該訂緊（貨櫃）。」「香港人真係慘，死左都無啲尊嚴。」 但亦有伊院職員指，有關貨櫃只放置醫療廢物，並非放遺體。
我們向醫管局查詢，停屍貨櫃有否安裝冷氣？為何不直接使用凍櫃？伊院預計使用多少個貨櫃停屍？每個貨櫃可安放多少具屍體？還有哪些間醫院也計劃使用貨櫃停屍？局方未有正面回應提問，僅覆述疫情記招論調，稱未有相關資料，但會研究不同解決方案。
據悉，東區醫院急症室近日亦淪陷；知情人士形容慘不忍睹。「更更都有人死，平時唔會。因為太多workload，無人手睇住病人，好多老人家都等到死；新聞而家報嘅死者，估計大多數都係喺急症室等上病房時離世。換句話說，醫療系統已經爆煲；死路一條，無出路。」
「返晏晝更嘅時候，有個病人話要換尿片，第二日返到去，都仲未有人換，但真係冇時間做呢啲護理。急症室本身係做急救嘅，而家on top要加護理工作，根本做唔切。」
對於多間公院病人近日再在院外露宿，知情人士解釋，此舉迫不得已，因要避免急症室太迫而爆疫，才趁天氣回暖，重新放置部份病床在帳篷，但高層認為「畫面唔靚」，推倒重來，反增醫患感染風險。「太多人喺急症室入面，好似個大毒箱咁，好鬼侷促。最近回暖，所以啲同事就將啲確診病人推番出戶外，等啲人唔使喺室內等。但港島東聯網最大嗰個高層見到咁樣，就叫啲員工推番病人入去，完全冇人性嘅！」
政府指，會借用東華三院寰宇殯儀館，暫存約40具公院死者屍體。沙田富山殮房附近亦將放置冷藏貨櫃，並興建多800個存放位置，料下月啟用。
翻查資料，泰國首都曼谷去年亦因疫情嚴峻，令醫院殮房爆滿，要借用貨櫃存放染疫遺體，是繼2004年南亞大海嘯後首次。
