正所謂要「飲多啲書」，飲書就唔一定要去大型連鎖嘅。唔單止食嘢有良心店可以幫襯，其實唔少地區的獨立小書店都好需要大家支持。近排就有兩間分別由前區議員同埋一班前記者開嘅獨立書店需要大家。
【新聞有價 記者有格 立即訂閱：https://bit.ly/3wGQh7c】
獵人書店嘅Facebook就話，「要是說我過往數年最大感悟，就是凡會發生的，都無法準備。於是我們開了閘，迎接大家迎接未知」。
前沙田區議員黃文萱上年辭任後，成為七份一書店@大南街的半年限定店長（可以睇返我哋呢條片！）。喺今年3月，黃文萱喺舊店完約後即刻搵新地方，沿用舊名「獵人書店」（前稱夜露死苦）重開書店！除咗書之外，小店仲有不少本地品牌嘅文具小物，Facebook仲會Post一啲好有意思嘅語錄，大家不妨得閒到訪下！
不過下面嘅Hashtag就提到，「未諗幾時正式開幕」、「開門㗎啦」 ，而因為「未有卡機」，所以「暫時prefer現金，謝謝大家」。
你會以為以文字記錄時代嘅記者，冇咗個平台就唔可以推廣新聞？對於呢班記者嚟講，呢一遁閂咗嘅門，其實係另一條路嘅開始。「若在一年前問我們會否『做生意』，答案肯定是『不』。創業，只因為失業。我們五人，都曾在不同的傳媒機構工作，共通點是，他們都結束了。
創立「留下書舍」嘅一班熱心記者們就話，「不久之前，我們仍然在自己深愛的逐夢之地上努力，做著自己最喜歡的工作。然後，樓台突然崩塌。一夜之間，我們失去了工作，同時也失去了一個身分」。
呢班選擇留低嘅記者就話，「既然留下，便要工作。於是，我們決定開書店。反正也沒有甚麼技能（苦笑），能做的，或者是經營一個小空間，讓大家在這兒重聚，也讓想要留下的朋友們，知道自己並不孤單。這間小小書店的大門，永遠為你們而開」。
書店更加係推廣新聞學和報導文學嘅地方，「越是令人灰心的時間，其實越應該看新聞，讀新聞。所謂新聞學，其實也就是追求真相。我們盼望，能與大家一起活在真實中」。
而家書店都開始試入喇，成為咗「留下的人」，就可以享新書正價九折，每月可免費領取一本二手書，價格不限，「留下」的活動將設會員早鳥報名期。咁點樣成為「留下來的人」（會員）？交低100蚊入會費，或單次購物滿350元，即可免費成為會員，會籍為期一年。需親身到「留下」登記。
留下書舍
地址：西洋菜南街 228 號唐四樓（始創中心後面；樓下地舖為「東京街」堂食店）
營業時間（試業期間）：星期一至日 12:00-20:00
Facebook / Instagram： @hans.bookstorehk
註：請自備購物袋；試業期間只收現金
地址：西洋菜南街 228 號唐四樓（始創中心後面；樓下地舖為「東京街」堂食店）
營業時間（試業期間）：星期一至日 12:00-20:00
Facebook / Instagram： @hans.bookstorehk
註：請自備購物袋；試業期間只收現金
