繼上月初有讀者報料收到外賣曱甴生菜之後，Channel C再接到讀者投訴指，今日（1日）下午3點幾，在寶琳煌宴酒家飲茶嗰陣，食到曱甴燒賣！！！
【新聞有價 記者有格 立即訂閱：https://bit.ly/3wGQh7c】
事主話佢食嘢習慣咬開一半先，一咬開就見到入面有黑色嘢，再望真啲…係一隻死曱甴呀，「好彩冇半隻😢」真呀，如果咬咗半隻入口真係…小編唔敢諗呀！佢即刻嘔返口中嗰半嚿燒賣出嚟，跟住同職員投訴。職員就話免佢10幾蚊茶錢，同幫佢哋取消晒未嚟嘅食物，之前食咗5樣嘢要照埋單，盛惠$165。
事主話食完行出酒樓，直情有種想嘔嘅感覺，「我之後買兩支漱口水都用我百幾蚊🥲」。佢話今日係第一次幫襯，亦都係最後一次，「冇可能再去」！佢最不滿酒樓職員唔顧及客人感受，連一句唔好意思都冇，最後埋單收銀嗰位仲講句「多謝晒」，成個過程好難受。佢話會打1823向食環投訴，希望大家唔好中招。
