早排訪問完港鐵MJ，近期又出現港鐵舞后，Channel絲都唔知原來香港地咁多跳得之人！有讀者28號都影到舞后喺藍田「開騷」，旁白師仲忍唔住幫佢加返背景音樂！
話說今個月9號，收到讀者報料話朋友喺群組send出呢條片，見到呢名妙齡女士喺港鐵車廂翩翩起舞，Channel絲見到都感受到佢對跳舞嘅熱誠。近日我哋又收到讀者獨家報料，話4月13日下午1時左右，搭荃灣綫去深水埗時，「舞后」好似喺尖沙咀或佐敦戴住耳機、拖住個喼仔上車，「個身體有微微擺動，見佢一身咁既衣著，當時仲諗佢會唔會係去練跳舞嘅呢」，「點知佢越跳越大動作，更加開始去撩其他乘客，我地一班乘客好多都走開，讓個空間畀『舞后』慢慢跳，點知去到旺角開始好多乘客上車，結果就焗住做『舞后』嘅舞伴啦」。
其實Channel絲覺得香港地實有好多唔同才能嘅人，有人喺舞台閃閃發光，有人嘅舞台就係一架車廂仔，老土啲講，Channel絲希望大家都可以搵到屬於自己嘅舞台！
