今屆巴黎殘奧「雙金」得主何宛淇昨日（5日） 於社交網站發文，指到銅鑼灣一間泰國用膳時，被職員以「冇位俾輪椅」及「會阻住大家行」為由拒絕入內。她今日（6日） 再發文接受餐廳負責人電話致歉，亦希望今次事件「令社會大眾了解更多殘疾人士嘅需要」。
【新聞有價 記者有格 立即訂閱：https://bit.ly/3wGQh7c】
港隊硬地滾球代表於巴黎殘奧奪3金兩銀，其中女子單人BC3級個人賽及混合BC3級雙人賽同獲得金牌的何宛淇，貼文指原到銅鑼灣餐廳「泰國大城船麵 Ayutthaya」晚膳，疑遭到不禮貌對待。她稱去到個門口打算進入餐廳時，有餐廳職員說：「我哋間餐廳冇位俾輪椅。」何宛淇指自己的輪椅體積好細，但職員反指「輪椅會阻住大家行」。何宛淇不滿說：「吓？正常埋枱，你仲有好多位。」又指「唔怪越來越少人喺香港消費，依家嘅服務都係咁差。」
何宛淇在網上公開事件後，相隔1日再發文指「無諗過一個食飯經歷帶嚟咁大迴響，亦接受餐廳負責人電話致歉」。她續表示幾年前已經開設YouTube 頻道分享無障礙餐廳：「從而勇於踏出自己屋企門口接觸社區，亦都希望咁令社會大眾了解更多殘疾人士嘅需要，希望今次唔係咁開心嘅食飯經歷，可以喚醒唔同持份者關注無障礙設施。共融從來都唔係口號，設施從來唔係Check List上面做咗就算。」
《殘疾歧視條例》訂明，若服務提供者在沒有合理理由下基於某人的殘疾拒絕提供服務，導致他們遭受較非殘疾人士為差的待遇，除非服務提供者能證明提供相關服務會對他們造成「不合情理的困難」，否則可構成違法歧視。
