立法會一個草案委員會昨日（1日）討論引入的士司機違規記分制，兜路、拒載、「泥鯭的」等會被扣分，扣滿15分的司機，需要參加改進課程，或停牌一段時間。政府計劃在刊憲後9個月生效。
【新聞有價 記者有格 立即訂閱：https://bit.ly/3wGQh7c】
運輸署表示，過去5年平均每年有接近2,000宗的士兜路的投訴，政府擬引入司機違規記分制，兜路、拒載、釣泥鯭、濫收車資等會被扣5至10分不等，扣滿15分，司機需強制參加改進課程，或被停牌一段時間。
選委會界別立法會議員江玉歡擔心，記分制令司機難做：「例如路線有塞車，以後呢個扣成5分，我諗個個的士司機都停晒車，問下個乘客先，佢一定唔夠膽兜路，咁點舉證？點減低同乘客嘅爭拗呢？」運輸及物流局副秘書長李碧茜解釋：「如果塞車，司機唔行最短嗰條路，行咗條冇咁塞嘅，咁其實佢唔會干犯到呢個罪行。亦唔會話就咁有人投訴就扣，而係要經過法庭定罪，冇合理辯解嘅情況。」
政府又建議，增加的士最高乘客座位數目至6個，有議員擔心增加營運成本，李碧茜表示：「所以我哋訂立嘅要求，唔係要整個車隊，所有的士都要有呢個要求，我哋會訂立一個百份比，車隊數目嘅10%，因應情況，由車隊決定增加預約費，除此之外，亦可以用包車形式，同客人預先同意一個固定收費。」政府計劃記分制於刊憲後9個月生效，讓運輸署及的士業界有充足時間做準備。
