復活節長假撞正疫情緩和，唔少香港人都去郊外露營抖氣，香港人冇手尾都唔係第一日嘅事，加上長假期，真係不堪入目……有網民喺IG分享過去復活節長假期所見所聞，郊外地方「被消費過後留下一片狼藉」……
網民 @antipas_gaaujau 「膠遊」上星期六（16日）因為「好奇派對過後的『風景』」入浪茄，果然一如所料，「晚上的營火，氣氛熾熱，白天後，人去，剩下灰燼和熏黑的石堆」。
「可憐的垃圾桶」只有有限的容量，不過「人們卻一直以垃圾把其團團圍住」，又表示10分鐘內分別看到兩位遊人看到垃圾堆便說「嘩…咁多垃圾」，惟下一秒就把手上剛飲完的膠樽，以及裝有垃圾的膠袋丟到垃圾桶旁的垃圾堆中，更留下一句：「對唔住都要掉啦，減輕重量。」
垃圾堆中，仲見到未食用的杯麵、一地似乎還未曾煮熟的米、一包完整未開的棉花糖、一少疊UNO遊戲牌。，他沖洗那包棉花糖後便帶走食用。另外，亦一班外籍人士升起營火，「但似乎用了仍濕的樹葉為燃料」，結果有白煙大量冒出。
他亦指，「浪茄幾位清潔工友於星期日早上已清理過百袋垃圾，剛巧他們當天留在浪茄留晚了，便在傍晚多清理一遍，平常這個個時候他們早離開了」。他憶述清潔工友的話，「呢度算多㗎啦，不過前兩日佢地執得仲多」，「好多㗎！好浪費！咩都有啊！」。
「膠遊」巴仲留低咗幾句畀各位熱愛香港大自然嘅Channel C讀者，希望去露營嘅你哋「好好計劃，預計埋帶走垃圾」，「就算有垃圾桶，係郊野嘅前線清潔工人清垃圾真係好花體力，好似浪茄咁，啲垃圾就咁堆係地下，比野生動物咬完散落一地，清潔姨姨又要執返晒入袋，仲要另外拉車載啲垃圾去暫存點，來來回回」。
另外都唔好燒地，「沙灘燒完啲人又唔會執，慢慢會呢度又有果度又有炭灰，草地地燒到冇草生，變晒沙地」，又話燒到周圍黑晒應該唔會係大家想見到嘅風景。希望大家去探索香港咁多靚地方嘅時候都要記住要守返露營的禮儀啊！
