大家有冇跟開「天寰Crystal」嘅辛酸呢，話說噚晚Crystal打咗嚟我哋旁白師同埋昇哥嘅「保持通話」節目，原來事情終於有一個好重大嘅發展！
Crystal噚晚就打嚟「報喜」，話發展商終於放軟態度咁話「如果有咩索償，發展商願意全數負責」，所以Crystal唔需要自費維修，而Crystal仲話呢個係成個月「聽到最好嘅消息」，仲好多謝Channel C同埋各位觀眾、市民嘅關心，事情先可以有呢個結局。雖然Crystal條水管都仲有爆水管嘅風險，同埋發展商都未答應會否幫Crystal更換整條水管，不過Crystal都幾樂觀，希望得到好嘅答覆咁話。
話晒大廈水管都係日常生活經常要留意嘅嘢，特別係加上私人樓宇嘅各種利益及責任嘅時候，事情會更加難處理，Crystal就希望今次經驗可以教到大家一定要買家居保險，仲要睇清楚需唔需要額外投保樓宇結構嘅附加保障，希望大家以後面對類似問題都識處理！
Channel C一直會本住「為民請命 抱打不平」嘅宗旨繼續為香港人服務，有事要幫忙可以試下搵我哋！
