城中富商劉鑾雄（大劉）今日（10日）突然宣佈於下午3時30分舉行記者會，回應5宗傳聞，包括關投資恒大虧損、甘比投資失利、遺囑、及財產分配等。
大劉在記者會上被問到財產分配問題，他透露分財產原因是為保障太太，「最安全係分咗佢」，他又表示曾跟律師說，「寧願信錯而家分嗰啲人，都唔要佢（賤人）有得益」他又表示，日後其財產如何分配有數個可能，一是「斗零都唔分」，二是交由太太甘比決定，但坦言現時仍未有決定。至於將來由誰人接班，大劉就指，古代皇帝選繼任人都是能者居之，何況他只是個小商人。
大劉憶述，當年他在醫院時，「賤人」前去探望「睇佢死唔去唔夠2分鐘就走」其後又同記者稱「佢哋好好關係」，斥對方「知唔死得就扮close」，故為保障當時的太太，本來沒有意欲結婚的大劉亦「即刻結婚先」。後來發現結婚都未足夠保障，「分身家」先最好，大劉指「如果結咗婚，財產喺信託，都有得拗，最安全係分咗佢」他又說，當時律師指「你而家分咗就冇」，大劉就回答「寧願信錯而家分嗰啲人，都唔要佢有得益」
至於日後財產的分配，他就說有幾種可能，一是「斗零都唔分」，或全盤交由太太甘比決定，亦可能由3名子女決定，但就擔心分給「呢個仔女」，會「俾佢（「賤人」食埋。）」他又指，甘比與3名子女都願意聽從他的吩咐。
至於「呢個仔女」是否知道母親的行為，以及會否與大劉一起居住，大劉就指兒子現在有18歲，可以自己獨立選擇「跟邊個」，「佢跟我可以同我一齊住，你們咁多記者聽住。但人會變的，今日話跟你住，聽日話唔會，我有無講錯先？我做到今日都死唔去，我們做咩都要聽其言，觀其行。今日講咩都無用，好簡單，好多人話今日最愛是你，但下一秒就唔知。我話今日暫時都無集資計劃，下一分鐘就唔知，人人都識講呢啲說話喇。」
被問到有沒有「睇好」哪一個子女做接班人，大劉指古代皇帝接班人都是「能者居之」，他又提及一套宮廷劇，劇內皇帝發現傳位給任何一個兒子，另外兩人都會死，但經太監提醒後發現可以傳位給一個幼子，其他兒子就不用死。他又補充，不一定由長子接班。
