韓國連鎖餐廳Terrace in seaside有員工在Threads撰文，指第一日上班被一名分區女經理改花名作「大波妹」，第二日更將其名字改為「大波蓮」，店內其他員工也開始跟隨，直至第四日更將該花名打到更表，事主不適和不尊重。餐廳在threads發聲明指，經過內部調查後，涉事同事已停職及處分。
【新聞有價 記者有格 立即訂閱：https://bit.ly/3wGQh7c】
一名Terrace in seaside員工日前在Threads發文，指遭到餐廳內分區女經理性騷擾，「我返工第一日，唔夠幾個鐘就已經俾分區經理改咗花名『大波妹』，冇問過我亦冇尊重我，都算啦。返工第二日分區經理mavis將我花名升級做『大波蓮』，然後其他高職位啲嘅員工都開始咁樣叫我，完全冇尊重我。佢哋咁樣稱呼我，導致其他唔知我叫咩名嘅同事都對我用同樣嘅稱呼，我好似冇咗自己個名咁。再去到第三日佢哋開始攞我講笑，攞碟嘅時候，同我講個波咁大可以做防撞網好安全唔會跌，到第四日我終於入到員工group，然後分區經理將我拉入group之後直接將我花名打落報更上面，而其他同樣擁有花名嘅人就用返佢哋自己個真名，你哋係咪冇員工培訓過？唔識尊重人？」
餐廳昨日（5日）在社交媒體專頁發聲明回應，指留意到近日有員工在工作期間被性騷擾，餐廳對於事件十分關注。聲明又指，經內部調查後，涉事同事已停職和處分，強調公司非常關注事件，對任何形式的性騷擾絕不容忍。
惟官方聲明出來後，女事主在聲明下方留言，稱餐廳未就發出的聲明與她聯絡，指雖然已停止處分涉事分區經理，但質問有份帶頭取笑她的另外兩名同事是否也被停職，處分是什麼，會如何補償事主。女事主強調，希望就事件得到道歉。
女事主已到平機會求助，Terrace in seaside回覆傳媒查詢指，已向分區經理發警告信，她現時已被停職，人事部職員今日（6日）回到店舖調查，不排除有進一步處理，回覆中有提到，有曾經嘗試聯絡女事主，但暫未獲回覆。
