民主派47人初選案今（29日）午在西九龍裁判法院提訊，到現場旁聽嘅民主黨前主席劉慧卿喺佢個人facebook發帖表示，大部份被告已被關押9個多月仍未正式審訊，「真不知他們要還押多久！！」已宣佈唔再競逐連任嘅立法會議員石禮謙就留言，「This is not the HK we know and love. God bless them all（呢個唔係我哋認識同深愛嘅香港，願上帝保佑佢哋）」，不過就被網民批評係貓哭老鼠。
《立場新聞》就引述石禮謙話睇到到劉慧卿帖文後「心唔舒服」，所以留咗「心底說話」。
石禮謙係地產及建造界立法會議員，除咗係現屆最資深議員外，喺建制派中亦屬重量級人物。不過佢早前就宣佈唔再競逐連任，話係時候畀年輕人承擔呢份責任。
