天文台日前話呢幾日開始到下月中係觀賞天文現象「行星匯聚」嘅最佳時間，Channel C讀者（ig：eggcake577）一連兩晚就去咗東涌灣拍攝，同大家分享佢嘅「四星伴月」作品～【更正：圖1月球旁邊並非土星，感謝讀者指正🙏🏻】
【新聞有價 記者有格 立即訂閱：https://bit.ly/3wGQh7c】
據天文台講，「行星匯聚」即係七大行星同冥王星靠喺太陽系嘅同一邊，如果天色良好，單憑肉眼都有機會睇到較光嘅水星、金星、火星、木星、土星連成一線（又稱「五星伴月」 aka 「五星匯聚」 aka 「五星連珠」）。
至於「八星連珠」就係肉眼睇唔到嘅天王星、海王星和冥王星都會運行到「五星」附近，呢個現象係好罕見嘅。喺地球角度去睇，行星喺日出前都排成一列，好似連成一線，建議大家可向東邊觀望，如果天色良好，都可以連續數星期嘅凌晨時份盡情觀賞，但記得要用天文望遠鏡或者相機影先睇到呢。
「五星連珠」上次出現是2016年8月，如果今次錯過，就要再等到2036年4月；至於定星連珠更加要等到2205年！
