「She’s fit though! OOHHH MY GOSH!」蘭桂坊係戰場呢個事實，大家都一早知。不過噚晚就出現一批勇猛嘅女戰士，喺正老蘭街頭開片！呢度睇住第一腳精華先，足本版記住上我哋YouTube喇！
喺呢條由外籍人士操刀嘅短片入面，見到一名金髮女子一腳伸開咗佢前面嘅啡髮女子，而喺呢位啡髮女子倒地之際，另一名粉紅戰衣嘅女鬥士就出嚟掹開兩邊。不過金髮女子下一秒又再踢多粉紅戰衣一腳，最後要一名男士拉住佢先冷靜少少。連攝影師都話呢位女士「pretty fit」，可見腳力都有返咁上下。
話口未完，第二邊又有而呢位外籍攝影師嘅旁白都非常專業，喺拳打腳踢之間，不時加插「woohoo！」同埋「OOHHHHH!」等等嘅助語詞，令當場氣氛升溫不少。一邊打得火熱，喺遠少少又好似有另一場戰事蘊釀緊，突然一個玻璃樽從天而降，嚇到旁述師都要大叫「Who the F threw that bottle（邊L個扔樽）」！
最後，開初起腳嘅女鬥士喺朋友嘅護送下就帶走咗，事件都不了了之。片段被人上載之後，有網民留言話呢場戰事係「best one yet（暫時最正）」，又有人畀100分旁述師，直情話要加佢人工！事後網上流傳疑似當事人解畫帖文，話打鬥可能涉及大婆激戰二奶，睇嚟事件未完，記住留意後續喇。
不過Channel絲最後都要提返大家，公眾地方打鬥係刑事罪行嚟架，飲大咗都要保持冷靜，唔好整親自已！
