立法會議員江玉歡早前因不滿工聯會吳秋北不點名批評她演「馬騮戲」，宣佈終止與工聯會合作營運地區辦事處。吳其後稱自己沒有就免針紙一事發表評論，有關言論只是「一般性評論」，反指個別媒體報道不實，要求清除和道歉。江玉歡今早（12日）在商台節目表示，會繼續停止合作營運地區辦事處，又說今次只是小風波，正因愛國才要有建設性批評，「不過唔知人哋係咪咁諗」。
【新聞有價 記者有格 立即訂閱：https://bit.ly/3wGQh7c】
江玉歡今早接受商台節目《在晴朗的一天出發》訪問時，被問到與吳秋北近日有沒有就近日風波聯絡她，她即尷尬道：「哈哈，呢啲唔提啦，呢個係好細嘅風波啫。」主持其後補充，吳秋北昨晚的言論澄清了不是想斥責她，她回應：「咁太好喇，哈哈，如果係嘅話。」
至於會否繼續分開辦事處，她說：「都會喇，係啦，唔緊要啦，經過呢個誤會，都經一事長一智嘅。唔緊要啦，我仍然會服務市民，同邊一個合作我覺得都唔係最重要，對（喺）市民眼中，最緊要能夠幫到佢哋，為佢哋發聲，咁就係一個好議員啦。」
主持其後搭嘴說「交朋友上都要經一事長一智，政壇朋友都係啦」。她表示：「呢個唔評論啦，唔敢亂評論啦而家，係啊，哈哈。」她強調自己完全沒有受到壓力，「我諗返成件事，我都係開心，原來我可以講……只不過有啲人覺得我唔可以講」，認為正因愛國才要有建設性批評，「不過唔知人哋係咪咁諗」。
她指，樂見法庭容許大家釐清廢除免針紙的法律問題，又指今次案件不複雜，牽涉的法例只得幾頁，亦不會有很多案例，希望可盡快釐清到法律問題，令大家的疑問告一段落。
