繼「見字飲水」被揭已是註冊商標，再有人發現日常用語同被申請註冊成商標。解構TVB營運的專頁「思思TVB的二三事」向我們表示，有網民向他們報料指發現「ZENNORA GROUP LIMITED」早於去年10月已申請註冊「CCTVB」及「Say No 4 TVB」兩個商標，而剛巧專頁英文名稱以及Instagram帳號就是「SayNo4TVB」，表示「除咗想趕盡殺絕我哋，諗唔到其他原因」，惟現階段未有打算改名。
「思思TVB的二三事」表示收到網民向他們報料，說因為「見字飲水」事件後「無聊走去search『TVB』嘅商標，然後見到我哋sayno4tvb個名」。而根據香港交易所的資料顯示，商標申請人「ZENNORA GROUP LIMITED」正是TVB的全資子公司。至於「CCTVB」商標，則有網民在「香港網絡大典」指該子公司亦早於去年已申請註冊此商標。
「思思TVB的二三事」表示，本身「Say No for TVB係唔啱grammar（文法）嘅，唔知點解我哋上手改個咁嘅名，但亦成為我哋獨有象徵」，故認為TVB申請版權「除咗想趕盡殺絕我哋，諗唔到其他原因」。不過他們指，因為商標註冊狀況仍是「已審查」，所以現時未有計劃改名，不過若商標獲批，「以後佢就可以拎住呢個商標周圍舉報我哋侵權，可能真係要改名」。
早前影評人游大東報道TVB發盈警蝕逾6.4億被TVB檢舉，估計是與原post使用了TVB台徽。另外，電視評論家方以文亦曾被TVB檢舉，懷疑因為Facebook及Instagram有幾個民間電視大獎嘅貼文當中嘅相，都包含TVB嘅角色造型照。
