正所謂「重要嘅野要講三次」，Channel絲喺到提多次大家，2月24日前入商場係唔洗嘟安心同打齊針㗎～事關大台《東張西望》又出事啦，首先喺2月9日嗰集出咗段街訪講「聽日開始入商場要用安心出行」，再喺2月12日搵主持提大家「入商場要嘟安心出行，已經喺2月10日實行」⋯⋯錯完一次又一次，阿寶好忙呀喂～
政府今次嘅指引的確令好多人混淆，包括唔少商場同普羅大眾，都曾經以為嘟安心已經成為入商場嘅必要條件，但事實上香港警察喺第二次節目播出前、即係2月12日下午3點15分，已經出Post澄清措施喺24號先開始生效，點解節目喺夜晚出街時仍然要錯誤地「溫馨提示」大家呢～話晒都包攬全年最高收視節目頭100位，會令好多人中伏㗎嘛！
