由康文署成立的工作小組，今日將召開首次會議調查MIRROR演唱會意外。文化體育及旅遊局局長楊潤雄今早在電台節目表示，目標在一、兩個星期之內找出初步原因，目前不適宜估計責任誰屬。
【新聞有價 記者有格 立即訂閱：https://bit.ly/3wGQh7c】
楊潤雄亦解釋早前的「靜態表演論」是誤會，指政府不想業界停止運作，但要知道哪些地方要改變需時，因此康文署會聯絡表演單位，檢視表演方式，「似交響樂，坐喺度、好靜態咁跳吓舞一定冇問題，但唔係一定要做呢類表演」。
他強調仍希望表演精彩和多元化，但不可以用表演者的安全作為代價。惟他指，表演不一定要以有風險的方式去表達，「係咪要上上落落得咁頻密？或者有啲嘢係咪一定要吊喺度，或者係咪一定要呢個重量？」，這些都可以與主辦單位商討。他指，康文署會與表演團體詳細商討安排，很難一概而論哪些可以做、哪些不可以做。
對於有人指出紅館過去曾有康文署的駐場監督，但其後取消安排。楊潤雄指，據他了解，已是十多年的事，有關人士主要負責更新場地設施，本身並非工程師。
舞台藝術從業員工會內務副主席陳頴業表示，意外發生後很多舞蹈員的情緒都受影響，「大家都上過台，好多嘢都代入到狀況」，有朋友發噩夢或事後翌日不想教班，而他第二日亦要請假，暫停其他工作。
他表示，過去一直憑大家的熱誠，解決舞台上的問題，舞蹈員議價能力很低，難以拒絕主辦單位的額外要求，「你太麻煩嘅，人哋下一次唔會搵你」。他認為，今次是罕見的工業意外，做機關並沒有問題，但應有監管，如果「危險啲（嘅舞台設計）都唔做，係斬腳趾避沙蟲」。
😎新一輪商戶優惠大募集又開始啦！🤝
誠邀各商戶提供專屬優惠畀我哋會員，互相宣傳；
有意請電郵至：[email protected]
