疫情後首個解除限聚令賀新春，一定要約齊班親朋好友圍爐安心食盆菜！Channel C搵到市面上各具特色的2023賀年盆菜，有性價比高的良心店、真材實料一級靚盆菜、每日鮮製無添加原汁熬湯底盆菜、惹味川椒麻辣盆菜、酒店米芝蓮推介，及超高質素盆菜都有，睇定有咩心水選擇，無論團年定開年，要好好相聚盡情食啦！
性價比高良心餐廳 基隆盆菜
去年被某某KOL炒作成為全城盆菜熱話的「基隆茶餐廳」，今年推出的新春盆菜繼續大堆頭，所有配料一應俱全，冬菇、髪菜、蠔豉、鮑魚仔、遼參、炆腩仔、茄汁蝦、燒鴨及切鷄等等，仲特意為長者及基層推出一人前盆菜，同樣份量十足，性價比極高！一向熱心善事的基隆，臨近歲晚，早前更向社區長者送上一人前盆菜及長壽麵食，趁著過節贈關愛，值得大大力支持！
新派摩登農家盆菜 農
以摩登農家菜做主打的「農」不時為新派菜式帶來驚喜。今個兔年，有「農濃花膠傳統盆菜—必食慢煮鮑魚及蠔皇花膠」用了八頭鱈魚花膠及六頭新鮮鮑，花膠經過三次乾蒸及浸足一晚冰水製成，保持花膠膠質；鮑魚就用了溫水慢煮4小時後再加紹興花雕及女兒紅等浸至入味，落足心機！加埋紅燒金蠔、蠔汁北菇、南乳豬手、五香金錢、木桶油雞、冰燒腩仔、手打鯪魚球等夠晒高質！驚喜推介有「惹味川椒麻辣盆菜」，加入自家秘製的麻辣醬，再加入多種特級野生辣椒乾、川椒乾、花椒等做湯汁，備有大中小辣之選，今個新春一定夠hot！
惹味川椒麻辣盆菜
優惠價 $1,488 原價$1,788（6位用）
優惠價 $1,788 原價$2,088（8位用）
優惠價 $2,488 原價$2,888（12位用）
優惠價 $1,488 原價$1,788（6位用）
優惠價 $1,788 原價$2,088（8位用）
優惠價 $2,488 原價$2,888（12位用）
農濃素盆菜
優惠價 $888 原價$1,188（6位用）
優惠價 $988 原價$1,288（8位用）
優惠價 $1,388 原價$1,688（12位用）
優惠價 $888 原價$1,188（6位用）
優惠價 $988 原價$1,288（8位用）
優惠價 $1,388 原價$1,688（12位用）
農濃花膠盆菜
優惠價 $1,388 原價$1,688（6位用）
優惠價 $1,688 原價$1,988（8位用）
優惠價 $2,388 原價$2,688（12位用）
*優惠價格隨時即止，請向商戶查詢。
優惠價 $1,388 原價$1,688（6位用）
優惠價 $1,688 原價$1,988（8位用）
優惠價 $2,388 原價$2,688（12位用）
*優惠價格隨時即止，請向商戶查詢。
真材實料大排檔風味 隆亨富記
區內無人不識的「隆亨富記」經營超過30年，稱得上大圍「冬菇亭」的名店！大排檔風味就是絕不欺場，今年新春盆菜製作一樣認真，堅持只用南非新鮮鮑魚絕不用罐頭鮑，蠔豉選自流浮山生曬靚金蠔，加埋大大隻蠔皇扣花膠、大大粒靚瑤柱、海蝦、燒鴨、走地雞同冬菇等上等食材，足料又有質素，每年都有回頭客留言大讚！盆菜製作一絲不苟，新春糕點亦是另一推介，必食有椰香金黃糕，師傅秘方製造，仲有家鄉芋頭糕、鴻運年糕、臘味蝦米蘿蔔糕都是手工足料製作，想食就趁早預訂啦！
正宗客家圍村風味 四季盆菜
被喻為盆菜專家的「四季盆菜」專營盆菜速遞到會，歷史悠久，每款盆菜都用了祖傳食譜結合上等的健康食材，保留了圍村的原有風味。盆菜汁底用了傳統方法及秘製醬汁製成，再加入磨豉醬、南乳醬、五香粉、燒酒等炆足三小時，百分百香港製造，帶出正宗客家風味。並且備有六款盆菜供食客選擇，一家人聚首一起就要揀新春限定的「極品金蠔花膠鮑魚盆」，有蠔皇吉品鮑、鮑汁扣花膠、發財靚金蠔、蠔皇海螺片、油爆海虎蝦、鮑汁扣鴨掌、一級花菇皇、貴妃雞及燒鴨等等份量十足，夠晒應節！
*另備有其他盆菜款式供選擇
傳統烹調金蠔 送鮮香味濃磯煮鮑魚 Ocean Three
Ocean盆菜雖以急凍形式出售，但製作時均把食材熟度拿捏得精準，務求客人加熱時達致一個完美的狀態。盆菜中每種用料上乘，當中盆菜都以人手精心製作，如金蠔是用上最為傳統的方式烹調，不怕繁複的工序，力臻完美。預訂更送出磯煮鮑魚（一盒共5隻）*，用上日式醬油、昆布慢火浸煮，確保鮑魚入味同時更可以鎖住當中的水份，成就出鮑魚口感鮮嫩彈滑、鮮香味濃的磯煮鮑魚。
像真度超高 高質素盆菜 素來素往
走清新大自然風的「素來素往」向來注重健康飲食，推出的素食盆菜未入口賣相已夠吸引，鮑魚、鵝掌及海參等傳統盆菜必有的食材，像真度超高，仲有全條香口芋頭魚，必食之選，而且嚴選高質素食原材料製成，並有蛋奶素盆菜選擇，素食人士或大家想食得健康的同時，亦能感受賀年盆菜的節日氣氛！
星級米芝蓮矜貴之選 逸東軒
在沒有限聚及堂食令下，大伙兒跟家人好友在雅致裝潢下品嚐砂鍋盆菜絕對是久違了的高級享受，來連續六年獲頒米芝蓮一星的星級食府逸東軒最合適不過。由行政總廚親自主理的「矜貴鮑魚盆菜」選用了原隻十頭鮑魚、頂級蠔豉、婆參、原條釀鯪魚等共十多款配料，供6至12人用，餐廳堂食或訂購自取亦可，同樣食得到米芝蓮級的矜貴。另外仲有賀年「星級嚐味禮盒」可以訂購，內有自家製XO醬、香脆琥珀合桃及頂級人參烏龍茶葉，送禮夠晒大方得體。
百份百香港製造 徐記廚房
「徐媽媽」的手作點心以師傅手製、即叫即蒸而聞名，現所推出的賀年盆菜也落足心機，用了傳統食材如鮑魚、花膠、美國大蝦、冬菇、瑤柱甫、發菜、蠔豉燒鴨、鹽焗雞、豬手、客家炆豬肉、金倉魚、豬皮及芋頭等上乘食材，份量十足。喜歡糕點的更加不能錯過多款同是師傅手作的家鄉糕點，招牌蘿蔔糕、蔗糖年糕、臘味芋頭糕、養顏紅棗糕及椰香芝麻桃糕等，數量有限，記得提早致電落單。
