政府預計在今年年底前在所有政府收費隧道實施「易通行」，車主使用「車輛貼」，過隧道時就不需再在收費亭旁停車付款。青沙管制區昨晨（7日）率先實施，但設備及分流措施未見完善，有司機入錯線，亦有司機停在舊收費亭前不知所措。今日（8日）「易通行」面對首個返工返學日考驗，運輸署表示有改進空間。
昨晨運輸署在青沙管制區實施「易通行」，即尖山隧道、沙田嶺隧道及大圍隧道已開始新措施，收費廣場的舊人手收費亭已停用及包上黑布。
但首日便出現混亂情況，有司機駛到收費亭前突然停車，司機不知所措，阻塞後車，職員迅速上前指示司機向前行，車輛才繼續開行；一些重型車輛因為以往慣用左線，誤駛進了巴士線，需要倒車再轉入正確行車線。而收費方面亦出現問題，正常情況下司機在過隧道後2分鐘會收到收費通知，但有部分司機表示遲遲未收到通知，有些則幾分鐘後才收到。
運輸署署長羅淑佩表示她也觀察到上述情況，相信大家很快適應：「我哋知道呢個情況，都覺得可以有更加改進嘅空間，因此我哋今日會加新嘅指示牌，務求令到聽日（8日）我哋開工開學日嘅時候，大家可以有更加多嘅指示，避免駛入呢條最左線嘅巴士行車線。」至於收費方面，羅淑佩稱無需擔心：「可能有少部分未選定一種繳費方式，有啲揀定咗但或者佢未升級、戶口唔夠錢，可能有啲睇定啲先畀錢都唔出奇。我哋唔希望有機器學習上嘅問題、令到收錯錢，麻煩到大家。」運輸署提醒未申請「易通行」的車主過隧道後14日未繳費將被罰款175元、21日後仍未繳費將加碼至350元，甚至可能會控告車主。
