《明報》指昇哥競逐連任記協主席 Channel C竟然唔知情？

【18/6/2022 更新】昇哥確實將連任記協主席，呢幾日留意到個po可能令讀者感混亂，對《明報》報道造成誤會，想在此向大家同受影響人士致歉。

（下次小編想自嘲同昇哥「冇溝通」時，會講得清楚啲，做成誤會，真係唔好意思 ）

記協將於本月25日舉行周年會員大會，舉行新一屆執委會換屆選舉及會章修訂動議投票。《明報》報道，現任記協主席 aka Channel C副採訪主任 aka「昇哥」陳朗昇將競逐連任，成為記協主席唯一候選人。打到呢到，旁白師同燒編都sad咗，竟然要睇報道先知昇哥決定，慚愧慚愧，唉～要檢討下先

【新聞有價 記者有格 立即訂閱：https://bit.ly/3wGQh7c】

昇哥早前喺佢facebook話將於10月到英國牛津大學參與路透研究所為期半年嘅學人計劃，「不積極尋求連任」，但據報道，記協近日向有投票權嘅會員郵寄選票，就列出昇哥將競逐連任主席，政綱包括竭力保持記協「有尊嚴地存在」，冀「保會保人」；培訓獨立記者及公民記者，希望為佢哋提供更多保障等。