【完整字幕版】潑婦大鬧壽司郎 過飛30分鐘無得補飛發爛渣

噚日（9日）有網友喺facebook「香港突發事故報料區」share一段片，有對男女喺黃埔間壽司郎發爛渣，原因係佢哋過咗籌號30分鐘，職員根據規定唔再補飛畀佢哋，女事主就話要搵負責人出嚟理論，事件擾攘近10分鐘。

片中所見女事主放聲大罵，話自己唔舒服所以先遲到，又指壽司郎每間分店嘅規定都唔一樣，認為職員無法證明幾時嗌佢哋嘅籌號，所以證明唔到佢哋已經遲過30分鐘，但負責人就指電腦系統紀綠咗時間，顯示佢哋係過咗半個鐘，但女事主竟然話電腦都係錯，仲用粗口鬧人。

對於此事網民稱女事主係「西客」，大讚負責人有耐心、有禮貌同EQ高，應該「升職加人工」。