由黃子華和潘燦良主演的舞台劇《最後禮物》，昨晚終於來到第50場，亦即是最後一場。完成如馬拉松式的50場演出，子華在謝幕時說：「今次真係可一不可再！大家唔好見我冇乜嘢，其實我每場都驚係最後一場，唔係驚病，咩疫個啲，我係驚我會死，因為我演完每一場都死,咗咁滯。」
【新聞有價 記者有格 立即訂閱：https://bit.ly/3wGQh7c】
能夠順利將50場完成，子華表示要多謝台上每一位出色的舞台藝術工作者，形容班底是史無前例的厲害，每一位演出者也是獨當一面，最好的舞台劇演員，例如區嘉雯 : 「我當年入香港畫劇團時，幾乎每一個劇女主角都係佢，我恨不得有份同佢做戲，最後我有一次機會，係莎士比亞劇入面，做佢細佬，着住對絲襪走出來，何其尷尬。所以我真係好開心，今次可以同咁多好演員合作。至於阿燦，就唔駛講啦，佢係我honey，我直頭係佢fans！」在旁的區嘉雯和韋羅莎聽到子華一番話，更激動得流下淚來。
能夠順利將50場完成，子華表示要多謝台上每一位出色的舞台藝術工作者，形容班底是史無前例的厲害，每一位演出者也是獨當一面，最好的舞台劇演員，例如區嘉雯 : 「我當年入香港畫劇團時，幾乎每一個劇女主角都係佢，我恨不得有份同佢做戲，最後我有一次機會，係莎士比亞劇入面，做佢細佬，着住對絲襪走出來，何其尷尬。所以我真係好開心，今次可以同咁多好演員合作。至於阿燦，就唔駛講啦，佢係我honey，我直頭係佢fans！」在旁的區嘉雯和韋羅莎聽到子華一番話，更激動得流下淚來。
阿燦亦依依不捨說：「我呢世，可能得呢次機會同子華合作。所以好珍惜，子華我會懷念你！」他說其實疫情下做騷非常不容易，榮幸及慶幸，這個騷一波多折，最終都可以上舞台同大家見面。在50個晚上，全體近百名工作人員，只有一個案例輕微感染，且發生於休息日之中，未傳染給任何一位演員及工作人員，大家能順利健康完成50場真的非常不容易。
演出完畢之後，子華、阿燦在後台跟大家開香檳慶祝，兩人之後將投入各自工作，子華會歸隊《飯戲攻心》參與謝票，阿燦忙自己執導的新劇《短暫的婚姻》。對於《飯戲攻心》票房過4000萬，子華表示十分開心，尤其替導演及編劇高興，因他們花了很多心血去做，能得到觀眾鼓勵十分重要：「一班兄弟姐妹連日來不停謝票，真係辛苦晒，我會歸隊一齊啦！」
至於，阿燦說可能最後一次和自己合作，子華大笑說：「點會？我大把機會可以再合作啦。」可會將《最後禮物》拍成電影？兩位都認為可以，但子華抵死表示：「我地都有錄影！可以直接喺戲院播成個舞台劇，反正英皇咁多院線！呢個真係一個好提議呀！叫總監ALEX諗下！」
