韓國「國民MC」劉在錫嘅經紀公司Antenna今日（13日）證實，綜藝節目《Running Man》主持人劉在錫確診COVID-19。
據了解，劉在錫9月底已經打咗2針疫苗，早幾日（11日）先接觸完確診嘅南韓藝人柳喜烈，所以就做咗第一次PCR檢測，但嗰陣結果係陰性，之後再做檢測就收到確診通知，所以就取消晒之後所有行程。
同時《Running Man》都出聲明話本身今日要錄影，但劉在錫喺快速篩查嘅時候就被懷疑有症狀，所以就冇參與錄影。韓媒都讚爆劉在錫防疫意識，話佢「避免大型群聚感染」、「好有警覺心」。
Channel絲希望佢早日好返啦～
