溫情電影《紅豆》中的鄧麗欣，為了傳承家業放棄追夢。導演鄒穎接受本台專訪時，坦言角色是他的投射，他透露自己從小有個電影夢，亦曾有犧牲和做抉擇的經歷。但港產電影在國際上有一定的位置，鼓勵電影人繼續以打不死精神去追夢。
【新聞有價 記者有格 立即訂閱：https://bit.ly/3wGQh7c】
《紅豆》故事以九龍城一間糖水鋪作主軸，帶出親情和承傳。鄒穎接受本台專訪時，覺得九龍城完全可以好代表到香港，他解釋說：「就好似香港的縮影，有少少歷史，新舊交融。」啟德機場1998年後成為歷史，戲中亦有飛機低飛經過九龍城的場景，鄒穎說：「唔係好多人會感受過一個咁近，飛機喺頭頂經過嘅經驗。如果可以呈現呢個感覺給觀眾，都係一個幾好嘅嘗試。」
1997年回歸前，香港曾經歷移民潮。適逢創作《紅豆》劇本時，遇上近年因政治環境引發的新移民潮，身邊親朋戚友離開香港，觸發了他有種很強烈的感覺：「突然間好想寫一啲關於少少移民嘅題目，每日嘅新聞都睇到好多老舖執了或者關閉唔做，令我突然間有啲感觸，就係覺得咁多年嘅家業一下子可以消失。」鄒穎續以紅豆沙作比喻：「年輕人其實唔係好再食呢個傳統糖水，因為見到好多新嘅甜品。係咪都要佢消失呢？」
電影中有不少回憶場景，色調上都用粉紅偏黃的顏色，鄒穎坦言今次整套戲的調色運用都是個大膽的嘗試：「想有少少同以往嘅色調有些不同，其實主要想做一個好有電影感嘅感覺，嗰個粉紅少少帶黃就好似舊了的相，因為flashback想做番一個懷舊相片的感覺。」講到戲中最深刻場景，鄒穎首選鄧麗欣與魏浚笙在醫院爭吵的戲份，直言非常精彩，指現場工作人員看得入晒戲，完成拍攝後自己亦忘記嗌停機。他謂今次電影不是大製作，組數亦不多，但演員們個個相處融洽，好短時間就打成一片，有種家庭的感覺。
鄧麗欣於戲中為了傳承家業而放棄空姐夢，原來是鄒穎的個人投射：「細個我爸爸帶我去戲院睇戲，嗰段時間我就睇好多電影，潛移默化就好想拍一齣電影。我喺呢度長大，有個電影夢，都想呢個夢喺香港發展。追夢過程講緊中間一路走，都要有啲犧牲有啲抉擇，似番戲中女主角每到一個交叉位，你都要做一個抉擇。為咗一個夢，當中做咗很多抉擇。」
鄒穎指香港電影有它獨特的特色，在國際上都有它的位置：「佢有個味道是香港獨有，最興旺時期年產好多部。港產片係永遠其他地方代替不到，因為覺得香港電影人都有種打不死精神，我們大家再努力，再找一個出口之後，演變成點我哋大家唔知道，但我覺得一定唔會消失。」香港精神，就是有種打不死的精神。
