去年初入樂壇已在《叱咤》台上摘下女新人金獎的雲浩影（Cloud），今日推出本度首支派台作《自發性神經反應》，繼續挑戰創新曲目，雖然錄音過程困難重重，但Cloud認為是磨鍊唱功的大好機會，並可以跳出舒適圈大膽嘗試，除了自我挑戰，Cloud還收到一個大好消息，便是公司寰亞唱片今年將會加大力度重點力捧她，期盼可以在樂壇更加發光發亮。
【新聞有價 記者有格 立即訂閱：https://bit.ly/3wGQh7c】
說到新歌曲風，Cloud表示：「對我來說真是一個大challenge，因為是一個未接觸過的曲風，監製Goro Wong都是第一次合作，多謝公司有這個安排，可以逼我跳出自己comfort zone。」
她形容：「去年出的歌可以是少試牛刀，但今年收到公司permission可以大試牛刀，as much as possible ，會錄更加多歌曲，學更多不同事情，將更加好作品送俾大家。」
在《自發性神經反應》的MV中，Cloud飾演插畫師，因為失去創作靈感，就連屋企也變得亂七八糟，雖然因此令她整傷左手，要睇醫生打石膏固定傷勢，參加朋友的派對也難以投入，但創作靈感卻失而復得。
她說：「首歌講每個人都有一樣小怪癖，可能會令自己開心、放鬆，但別人睇見會覺得這個人行為古古怪怪，至於我自己的小怪癖，其實有好多，其中一樣係瞓覺，當我唔開心時候會瞓，但開心嘅時候，都係瞓，哈哈！」
為突顯Cloud在MV中因為失去創作靈感令生活變得一團糟，導演在拍攝現場安排了很多「陷阱」，例如Cloud打開廚櫃時雜物會應聲倒下、入房攞衫又會被大堆衣物壓倒在身上、企高攞書搞到跌書，還跌倒在地上受傷等等。
「其實導演好聰明，如果要我拍MV演戲，未必做到佢要求，反而真實嘅我真係經常整跌嘢，所以拍攝時候都係我第一身自然反應，我份人都好遴迍（論盡），尤其出門口之前經常唔知自己個電話擺咗喺邊，哈哈！」
