雪姨早排因為基隆茶餐廳盆菜風波，潛水潛咗一排之後可能想試下水溫，又出食評片！不過出咗呢條「三間港島區超長龍人氣麻糬甜品店（非廣告）」推介片之後，三間小店先後都出Post割席，話冇搵雪姨合作，其中一間仲要Hashtag「死亡之吻來得有點突然」。
雪姨前日（10日）出咗呢條「太驚喜🔥推薦三間港島區超長龍人氣麻糬甜品店🔥爆漿抹茶流心麻糬脆包😍50蚊6個菠蘿皮煙靭麻糬波波🔥隱世脆皮泡芙專門店😍(非廣告）」試食片，雖然三間都係有讚冇彈，不過呢三間小店似乎都驚咗雪姨，「James Bonbon Bakery」喺IG出Post澄清之餘，仲要Hashtag埋「死亡之吻來得有點突然」，仲有網民喺下面留言提議James Bonbon Bakery「出律師信叫駱駝將段片下架」。
「治癒果子店」就話因為收到好多客人查詢，搞到「心都離一離」，話「完全不認識」雪姨，喊喊樣咁話「我沒有找KOL宣傳T__T」。有網民喺「Cookie Vission」嘅IG Post留言，話「搵左雪姨做廣告喎」，不過Cookie Vission就回覆網民話唔識雪姨，「we didn't even know this KOL before today」，之後仲要出多個Post話因為好多揣測，所以就要澄清冇搵過KOL介紹（There has been a lot of speculation so we hope this puts it to rest）。
雪姨相隔個幾月再出片，可能以為網民已經將盆菜事件慢慢忘記，但係都仲係好多網民喺佢段片度留言，有人就話「其實好多人都表達得好清楚，希望雪姨你開個live做Q&A，針對返件事，比人話一鑊，cut返好條片，好好地做一條片道歉」，「好多人都講左，你都唔理，堅持唔做，重要而家繼續拍其他片試水溫」，就話對雪姨好失望，仲有人話「可能燉湯需要你幫下手賣廣告🤣人地D分店就唔掂啦🤫」。大家又點睇呢？
