陶傑周三（27日）在商台《光明頂》形容MIRROR只是「虛火」，無法救到香港音樂影視工業，成為「鏡粉」和連登仔的熱話。陶傑昨晚再在節目中延續這個話題。
陶傑在節目甫開始即笑言爆出周三的言論後不敢回港，怕回港後被「鏡粉」扣留。他強調他當初所講的是持續性，「即係香港飲食業要興旺，唔可以得一間麥當勞」，認為香港過去影視和音樂興盛時，不只有一家走紅，一枝獨大本身是畸形現象。
他表示，現在不同於80年代，有大中華市場，但MIRROR若取得批文進入大陸市場，相信香港大多數歌迷會與他們割席，重申MIRROR走紅是政治情感的延伸和投射。他續說，MIRROR一出世就帶着黃絲的胎記，就如《鹿鼎記》的韋小寶誤打誤撞被擁為香主，角色錯配，令老闆和經營者很尷尬。
陶傑強調，必須有自由的環境，影視同音樂工業才會正常和蓬勃發展，他作為香港人，也很想MIRROR發揚光大，但不應太亢奮，因為整個生態和氣氛不同於70年代至90年代中。他說：「MIRROR唱過邊隻歌，係全香港紅？許冠傑當年嘅《打雀英雄傳》，就算冇聽過許冠傑情歌嘅人，街邊小販都覺得好正，呢個叫『紅』。」
至於何謂內涵，他說，「你而家夠話哥哥（張國榮）好，佢一樣係小鮮肉，但張國榮嘅過程有起跌，曾經佢係票房毒藥，憑《MONICA》翻身，然後佢有嘅故仔、佢嘅淒酸，呢個同梅艷芳亦一樣，係要時間」，「你講來講去話呢啲係上一代，我知呢啲係上一代嘅工業產品……但係有啲人性嘅需求係超越不同時代」。
陶傑認為，每一個人眼中睇到的MIRROR，都從中睇到自己喜歡的東西，但以此認為能振興香港影視歌唱工業，就未免太樂觀。他說，「我係sense到咁樣落去，不但與振興影視歌壇無關，係只會遇到更大的政治風暴，嗰時你會點樣應對？我希望激發一個思考，就係你香港、呢個市場同埋香港人，下一步向何處去啫」。
經過兩集節目討論，陶傑今日還趁「姜濤誕」出post抽水，建議特首候選人李家超考慮把銅鑼灣站改名為姜濤站、設立姜濤雕像、將姜濤生日列為公眾假期等納入政綱。正如他所講，這個話題真的講3日3夜都未完啊。
