陳柏宇（Jason）今日推出全新專輯《The Fight Goes On》，專輯內最後一首歌《有天》亦同時派台。今次新歌MV是繼《對得起自己》後，再次邀請姜皓文（黑哥）來演出，延續全碟歌曲MV一家人的故事。MV中，黑哥扮演的父親，由潦倒的運動員變身成為跑步教練，黑哥再次參與演出，Jason笑言功勞不在自己：「我出乜嘢面都應該搵唔到黑哥返嚟，係公司同事同埋導演Kenji嘅功勞，再一次搵黑哥返嚟幫我哋包頭包尾，有個圓滿結束。」
【新聞有價 記者有格 立即訂閱：https://bit.ly/3wGQh7c】
至於黑哥回歸拍攝MV，他說：「好開心Jason、唱片公司同Kenji導演都好信任我，畀多一次機會我拍Jason MV。連接返上次做爸爸、潦倒嘅運動員，再做看更，發奮做人之後，而家做咗跑步教練。由於長大咗，所以唔單只隊crew，演員、就連我養嘅小狗金仔都長大咗！」
黑哥向來注重飲食，但為了Jason，竟破例狂食雪條，黑哥說：「好耐未食過雪條，對上一次食雪條，就係拍《對得起自己》MV，食咗唔知4定6條，今次都係食咗咁上下多。其實只要Jason開聲就得，我一定會幫手，因為佢今次全部都係一啲好勵志嘅歌，係正嘅，好鍾意，加油！」
《有天》這首歌，是作詞人周耀輝聽到Jason的《有我》後而寫，當「有我」肯定自己的存在，也希望大家要肯定有大自然的存在，他說：「所謂的陰晴圓缺，所謂的天意，其實也是一種自然，大自然會帶來新的一天，會黑，會光，有光就會看到路線，那就一直走下去，看看能走到幾遠就幾遠，就算去不到想去的地方，就算幾黑暗看不到前方，很多人、事都未必跟以前一樣，也要存在信念。」
