陳柏宇與太太符曉薇（Leanne）結婚五年，囡囡Abigail今年4歲，兩夫婦一直想為囡囡添個弟弟或妹妹，惟Leanne分別於前年及去年兩度痛失胎兒，曾表示沒有信心再懷孕。不過，今日早上兩夫婦分別在社交平台宣布喜訊，指Abigail快將多一個妹妹，Abigail開心拿着妹妹的超聲波照和父母合照，十分可愛。
【新聞有價 記者有格 立即訂閱：https://bit.ly/3wGQh7c】
Leanne留言寫：「上年我同自己講無勇氣再懷孕，今年估唔到上天送咗份禮物比我哋，感恩我可以再次懷孕，每日都抱住擔憂同感恩嘅心情，得來不易嘅禮物，只希望妹妺健康平安出世，我知道好多人都估到，你哋 inbox 留言問我係咪有咗，我都好想同大家分享，不過上兩次經歷對我有好大陰影，所以我無正面回答大家，但係個肚大得太快，今日就同大家分享哩份喜悅，我會同妹妹一齊加油，仲有一樣嘢同大家分享，就係我同EE竟然同時懷孕，到時標姐有兩倜妹妺要照顧。」
Leanne前年曾懷上第二胎，但因為出現宮外孕情況，需切除左邊輸卵管，夫婦再努力後，去年成功再陀B，可惜肚內兒子被醫生證實患有愛德華氏症，最後要人工流產。當時Leanne於社交平台發文對13週的囝囝道歉，指自己一生運氣已經用了在與陳柏宇結婚，以及誕下Abigail，沒有運氣擁有他，又向老公陳柏宇致歉，指因為自己沒有運氣，而要對方一同承受痛苦。
