陳柏宇（Jason）日前包場請粉絲睇戲，兩位演員游學修及吳祉昊更到場謝票。Jason透露曾經有段時間想去學手語，看完這套電影後令他重燃學習手語的興趣。
上月完成個唱的陳柏宇，為答謝粉絲對他的支持，日前包場邀請一眾粉絲觀賞電影《看我今天怎麼說》，主演的游學修（阿修）及吳祉昊（Marco）亦到場謝票。他表示：「今次搞呢個活動係想多謝返 fans 喺演唱會宣傳上面嘅大力支持，對上一次包場睇戲已經係兩年前，揀《看我今天怎麼說》係因為覺得佢個題材幾有意義，同埋想入場支持吓阿修！」
主演的游學修及吳祉昊亦有到場謝票，游學修問觀眾：「呢個包場係大家自費定點樣㗎？」粉絲即高呼：「Jason請㗎！」游學修笑言：「咁先係包場㗎嘛！畀啲掌聲Jason先啦！」談到手語，Jason稱：「曾經有段時間我好想去學手語，但一路冇時間實行，睇完呢套戲的確有令到我扚起心肝去學！」到下次想跟粉絲舉辦什麼活動，Jason指：「繼續睇戲囉！可以存在喺同一個空間、同一個時間做同一件事，呢種 connection 係有 feel 嘅。」他也即席示範戲中的幾個「有 feel」、「日落」、「雲」、「游水」、「多謝」、「興趣」。
Marco於活動後向Jason表示自己是他的超級粉絲，每次見面都會叫他「柏宇大哥」。Marco 更直言今次是其中一次令他頗緊張的謝票場場次，完場後二人於戲院門外「雞啄唔斷」，十分投契。
