陳慧嫻宣佈明年1月加開1場個唱，她表示歷年個唱都未試過於燈海下獻唱，笑言希望歌迷屆時可以由個唱開始，亮着手機的電話燈搖到結束，作為她入行40年的禮物。
【新聞有價 記者有格 立即訂閱：https://bit.ly/3wGQh7c】
9年末有舉辦演唱會的陳慧嫻，將於明年1月21至22、24至25日舉行《The Fabulous 40 Priscilla LIVE IN HONG KONG 陳慧嫻演唱會》，門票反應非常熱烈，為滿足不停要求加場的歌迷，Priscilla決定再加開1月26日一場！
談到演唱會籌備，慧嫻表示演唱會除會唱出40年以來經典金曲之外，亦有從來未唱過的歌，現正努力練緊歌詞及努力排舞中：「因為音樂總監何丙（何秉舜）嘅編曲非常之咁勁！咁就搞到舞步都要好多囉。何丙個編曲係一定令到大家覺得好正嘅。」
問到個唱最期見到什麼畫面？慧嫻話：「我睇人哋啲演唱會，見到歌手叫觀眾開電話燈，一齊燈海咁陪住唱歌。咁多年來我自己演唱會，我冇試過叫觀眾開燈咁做。我其實好鐘意呢種溫馨令人感動場面，我好希望，如果我開騷個日由頭到尾，由第一隻歌開始，大家搖住個電話燈到最後一首歌，咁我可能真係會開心到喊。我知咁搖隻手會好攰，但係我40周年喎，歌迷大家做啲嘢當送比我。」
此外，陳慧嫻於下周一（23日）晚於個人及多個社交平台播出《Priscilla Chan The Intimate Live》，除為大家演唱經典歌曲之餘，更會與今次演唱會音樂總監何丙兩人的私密搞笑傾心事，節目將令大家看到一個意想不到鬼馬又可愛的陳慧嫻。
講到今次直播主題為Intimate（私密），Priscilla表示何丙在節目中，問她好多奇怪私密問題，是她從來冇答過：「例如佢問我，寧願一世冇高潮定係一日一百次、唔沖涼定唔洗頭...我都唔記得，剩係記得大家一齊笑到肚痛。」
