陳健安（On仔）新歌《厭惡物圖鑑》MV請來林千渟做女主角，MV中On 仔單戀千渟被她無情折磨，心情複雜過坐過山車，其中一個鏡頭，On仔慘遭千渟出力掌摑後，竟反高潮被她主動火辣激吻，咀到忘我境界時又一手將他推開，向他瘋狂怒吼。
【新聞有價 記者有格 立即訂閱：https://bit.ly/3wGQh7c】
On仔說：「今次MV故事好沉重，我哋都係鍾意咗一個唔鍾意自己嘅人，為對方做出好極端嘅事，無論鏡頭前後，我哋嘅情緒都好波動。」為這次MV，On仔和千渟專程向舞台劇演員邵美君老師學戲，希望拍攝時事半功倍，千渟說：「導演和老師想我哋上堂，幫助我哋培養默契，最初拍掌摑鏡頭，我有錫住On仔，因為上堂有學過就力和角度，但On仔好專業，叫我出力真打，結果真係大大力打落去，佢竟然話好興奮！」
一日之內被掌摑十幾巴，摑都臉都腫起，安仔說：「我好緊張，好彩上過堂，我哋好快進入狀態，多謝妳（千渟）畀咗好大能量我，因為投入角色認真咁用力摑我，令我有真正感覺，更加入戲。畀妳摑完一巴後，我成個人都震晒。（係咪好痛？）面上嘅痛，唔及內心嘅痛，心跳加速，呼吸加速。20秒嘅劇情內，掌摑、激吻、怒吼，心情好似坐過山車，未試過，演戲真係好難！」
On仔除了有新歌推出，他參演的舞台劇《解憂雜貨店》已於15號開鑼，下月亦與樂隊Hertz舉行開騷，到聖誕節再與C AllStar兄弟合體，在西九文化區苗圃公園舉行「Let It Snow」演唱會，所以，On仔騷接騷演出忙過不停。
