阿叻除口罩 又一城外食雪糕

疫情嚴峻，喺街頭食嘢隨時可能惹來指罵、警告，甚至公審。有讀者今日下晝就喺九龍塘又一城外，影到陳百祥（阿叻）無戴口罩食雪糕。佢旁邊有一位女子，唔知係咪太太黃杏秀，但呢位女子就繼續戴住口罩，無一齊食。

呢兩日天氣咁熱，今日市區氣溫最高有成28℃，食雪糕降溫確係爽，不過政府都經常提醒市民要戴好口罩，做好個人衞生；警方上月都加強執法打擊街頭「除罩」吸煙，向來撐政府嘅阿叻，如果因為食雪糕而被警告就唔好啦～！