關智斌YouTube Channel日前播出全新系列《斌菲特訓班》，新節目不再像之前節目《Chef Kenny》只講飲飲食食，而是邀請各界專業人士，同Kenny探討下收藏品如何保值及增值。第1集請來有名錶界KOL 之稱的Ko Sir分享心得，仲引到Kenny騷出出道後買嘅第一隻錶。
【新聞有價 記者有格 立即訂閱：https://bit.ly/3wGQh7c】
節目中除了Ko Sir帶來不少自己珍愛的收藏，Kenny亦帶來兩隻自藏手錶，不過他對於兩隻手錶的價值一竅不通，「我真係唔識，因為好多錶都唔係我買，係人哋送，自己冇特別去買過錶。」經Ko Sir一輪的解構及分析完ROLEX GMT Master II後，Kenny便開門見山，拿出自己的珍藏：「咁我呢隻而家值幾多錢？」Ko Sir謂：「10零萬啦，如果你當初係6萬零蚊買嘅時候，所以你身家又漲咗一倍啦。」Kenny立即心跳加速兼倒抽一口涼氣，露出一副驚訝的表情。
隨後，Kenny拿出另1隻錶，「呢隻係我人生擁有嘅第一隻錶，我自己買嘅。我出咗道冇耐，跟住想買嘢獎勵吓自己，我都唔知點解會買呢隻錶，我係05、06年買。」Kenny透露當年買入價是三萬多，又好奇現在的價位，Ko Sir謂跟他剛才那隻差不多，Kenny雙眼頓時瞪得極大，「又十幾萬呀呢隻？！」並笑言：「身家又暴漲咗啦！嘩！早知嗰陣時買夠廿隻啦。」
