紀錄片《給十九歲的我》膺香港電影金像獎「最佳電影」，《給》今年被揭未有授權拍攝的片段而陷入倫理爭議後終止公映，該片的聯合導演郭偉倫上台領獎致辭時表現激動：「多謝這時間仍給我支持和鼓勵的人，多謝業界對這電影的肯定。」最後說道：「時代需要紀錄片，需要鏡頭紀錄，唔好熄機，拍咗先算、剪咗先算、上咗先算。」
可是《給》奪得「最佳電影」及郭偉倫的言論再次惹起抨擊，大批觀眾在轉播頒獎禮的ViuTV和香港電影金像獎fb派嬲及留言，單單ViuTV公布「最佳電影」得獎者的發文，1小時便收到5千多個嬲，而且數字持續上升，留言幾乎一面倒指責評審的決定和郭導演的言論。
【新聞有價 記者有格 立即訂閱：https://bit.ly/3wGQh7c】
有網友指《給》「連基本尊重都沒有嘅人去拍，仲叫咩最佳電影」、「人無恥就無敵，拍左（咗）先算，上左（咗）先算，完全只諗自己利益」、「感謝詞仲難聽過粗口」、「不知所謂，咩叫上咗先算，冇諗過人哋嘅感受」、「點解可以講得出，上左（咗）先算，學生要求你地（哋）唔好公映」、「咁點支持香港電影」、「成日叫人支持香港電影，睇完呢個金像獎真係支持唔住」。
