藍奕邦一連三晚在中環藝穗會舉行的《SNUG IN MY ARMS》香港站已圓滿落幕，尾場全場人潮迫爆，歡呼聲撼動全場，氣氛極好。而重返首次個人專場發源地的阿邦份外感觸，他於演唱會上說：「我會好唔捨得今晚呢個騷，呢三晚我做得好開心。嚟緊呢個騷會先去北美洲，之後再有其他站，我哋一定會好快好快再見！」
【新聞有價 記者有格 立即訂閱：https://bit.ly/3wGQh7c】
演出上，事先張揚有開場嘉賓顧定軒，他一出場已讓台下起哄。顧定軒與阿邦曾三度於音樂上合作，在周日晚，他獻唱由阿邦創作的《教我》及《XY》，又大讚對方是他的天使：「上年我第一年做新人，他毫不猶豫答應陪我行咗三首歌，所以好多謝佢。」阿邦便分享與顧定軒認識的經過：「其實我都係《全民造星》先認識你，你嘅外型同聲線好特別，有少少remind我以前。其實我哋完全唔識嘅，不過有次我哋睇Serrini，嗰時仲要戴口罩，覺得點解有個好似顧定軒嘅人睥住我呢？我就DM佢。」顧定軒表示，一直很
想與阿邦合作，因此當晚不停「睥」住對方:「DM之後，我狂錄音話有新歌，想邀請你幫我造歌。」而阿邦透露他將再與顧定軒合作新歌。
想與阿邦合作，因此當晚不停「睥」住對方:「DM之後，我狂錄音話有新歌，想邀請你幫我造歌。」而阿邦透露他將再與顧定軒合作新歌。
相隔9年再開騷，阿邦重回舊地別具意義:「好開心可以返嚟藝穗會做騷，Fringe Club係我仲未出唱片、仲未簽公司,仲係有份day job嗰陣就嚟唱歌嘅地方，嗰時得兩、三個人聽,仲係朋友嚟。廿幾年前，喺呢度表演真係乜都冇，而家可以再返嚟,仲有人睇，仲多咗好歌,我都冇浪費咗廿幾年。」
阿邦亦獻唱陳蕾填詞的《妖治時代》，他坦言外在世界是妖治時代，希望每次開騷可以為樂迷提供安全區，讓大家盡情釋放情緒：「今晚（27日）想喊就喊，想笑就笑，想X叫就X叫！」之後他再唱《孔雀開屏》，指當年與林夕想透過音樂回應社會對性的偽善：「可悲嘅係，9年後呢首歌仍然啱用。」之後他唱出《藍田金婚》以音樂坦然表態，相信愛就是超越世俗與名份的救藥，之後並唱出《火柴》、《流星月台》等作品。
阿邦亦邀得兩位風格各異的本地音樂人，分別擔任三場演唱會的表演嘉賓，如從美國回歸的氣質唱作人Cehryl及型格Rapper Matt Force，Cehryl在尾場與阿邦合唱玩味十足的《竇》。然後，阿邦再與鋼琴作伴，自彈自唱Taylor Swift的《Anti-hero》，並送上《強弱》及《最後的信仰》為樂迷打氣。再為樂迷唱出《快樂頌》、《青春於舞池消逝》及新歌《情定唐人街》。阿邦忘形跳舞，台上台下擺動身體兼大合唱，氣氛高漲。
安歌部份，阿邦帶來《圍牆倒下前》及《生》，他說：「我會好唔捨得今晚呢個騷，三晚我做得好開心。開騷前，不止一個人同我講，可能係最後一次係香港睇我啦，我都有啲難受，好彩疫情完開返關，嚟緊呢個騷都會先去北美洲,，之後再有其他站。我哋一定會好快好快再見，無論你係香港定外地，我都祝福你生活安好。」阿邦送上《說再見的對象》，用音樂為樂迷送上祝福。
阿邦之後再度現身，穿上演唱會紀念品之一的圍裙登場，於台上大讚布料靚，並向樂迷送上最後兩首歌，於兩度安歌下圓滿結束。
