鄭裕玲（Do姐）去年10月回復自由身之後，將會為HOY TV拍攝旅遊節目，日前在IG拍片宣布孖住去旅遊的拍擋陣容是全男班，而且位位後生又靚仔。
【新聞有價 記者有格 立即訂閱：https://bit.ly/3wGQh7c】
Do姐在IG上載的影片說：「去邊就唔講得畀你聽喎……講畀你聽有咩陣容啦，接住喇喎，有洪家豪啦、林家謙啦、細貓應智越、Jeffrey魏浚笙啦、仲有個Tyson Yoshi啦，開唔開心呢？」
聽到呢個消息後，有網民留言指好期待林家謙，因為想像不到他做旅遊綜藝目會怎樣，有網友則提議Do姐下次邀請姜濤，有人則希望睇《Do姐Error遊》同193鬥串嘴，不過提議的網民知道Do姐個節目不屬於ViuTV，表示期待Do姐去埋隔離台拍節目咁話。
