鄭秀文（Sammi）參與演出的電影《流水落花》是電影發展基金「首部劇情電影計劃」專業組得獎作品，日前就先拔頭籌獲得香港亞洲電影節 (HKAFF) 公佈成為本屆閉幕電影之一。故事以Sammi、陸駿光飾演的一對寄養家庭夫婦為軸心，發展出與數個寄養小孩的感人故事。
【新聞有價 記者有格 立即訂閱：https://bit.ly/3wGQh7c】
香港亞洲電影節的場刊以“a career-best performance” （事業生涯上一次最佳演出）來形《流水落花》，Sammi感到欣慰又興奮：「我很榮幸參與到《流水落花》，好替導演鼓舞，因為佢第一次有作品面世，就成為咗電影節閉幕電影，對於新導演嚟講，係美麗嘅開始！我希望透過呢次盛事，可以同世界各地嘅電影愛好者交流；而更重要係，可以有更多唔同地方嘅朋友欣賞到《流水落花》。」
Sammi更補充：「《流水落花》將會好快同大家見面，除咗係導演首部劇情片作品，亦係我喺『非喜劇類型』中好大嘅嘗試。我個人好鐘意呢部電影，佢唔煽情，但我深深被故事同角色所觸動，希望到時大家可以入戲院支持啦！」而《流水落花》會率先在11月13日於香港亞洲電影節閉幕環節上映兩場，明年才正式公映。
