鄭希怡巴黎行時裝騷寓工作於娛樂　化妝師老公隨行親自操刀

鄭希怡（Yumiko）獲歐洲時裝品牌邀請，到巴黎行騷。她今趟旅程與化妝師老公梁學儲（Andy）同行，Andy跟為她化妝。Yumiko表示已很久沒想到一齊工作，更會多留兩日，寓工作於娛樂。

鄭希怡得到Balenciaga的邀請，特別飛到巴黎亮相「Balenciaga 2025-2026 秋冬系列發佈會」。Yumiko提早一日到巴黎，跟好友蔡卓妍（阿Sa）及馬天佑飯聚見面，Yumiko說：「今次係我第一次去巴黎睇Balenciaga嘅show，見到好多打扮得好有型嘅人，亦都有朋友喺度，同阿Sa、馬佑佢哋食飯，他鄉遇故知嘅感覺，幾時都係咁溫暖。」

而一直對穿搭有獨到的理解，偏愛黑色系的Yumiko，於今日發佈會上以一襲黑色高領襯衫搭配沙漏包臀裙亮相，演繹率性時尚表達。Yumiko簡單的低馬尾髮型配黑色蝴蝶結，配上紅唇已給人眼前一亮的感覺。原來Yumiko特別邀請著名化妝師老公梁學儲為她化妝，Yumiko說：「好耐冇一齊做嘢，今次寓工作於娛樂，同佢留多兩日，行吓街去吓博物館，玩吓！」完騷後，Yumiko謂全日都好忙，都沒有時間食嘢。騷後好肚餓吃了碗牛肉麵，感到好滿足。